九運屬九紫离卦，五行屬火，後天方位為南方，香港位屬南方，以土為本，以水為財，香港由八運轉入九運有利於屬火嘅行業，正所謂曰「女就怕嫁錯郎，男就怕入錯行」，想食盡九紫運勢迎接香港九運，係下一個20年順風順水，就要留意以下行業：
香港九運當中最有利打工仔嘅係資訊科技行業，香港踏入九運後20年由九紫右弼星主事，配合未來發展科技掛帥，新科技技術融入日常生活、衣食住行，尤其最旺人工智能行業，火主文明思想，對資訊科技行業有重大裨益，於八運尾段，科技業發展如日中天可能係對大家嘅啟示，VR及AR技術發展、3D投影技術、虛擬貨幣、晶片行業、NFT等都成為新興投資熱點，而最近由OpenAi發佈大受注目嘅ChatGPT，踏入九運將引領世界開發更卓越嘅人工智能系統，便捷人文世界。